მთავარ შინაარსზე გადასვლა
biblia.ge

ნუ შეგვიყვან განსაცდელში (საცთუნებელში), არამედ გვიხსენ ბოროტისაგან

ნუ შეგვიყვან განსაცდელში (საცთუნებელში), არამედ გვიხსენ ბოროტისაგან

საკვანძო მუხლები

გაზიარება Facebook-ზე
=3.15.2. ნუ შეგვიყვან განსაცდელში (საცთუნებელში), არამედ გვიხსენ ბოროტისაგან

დაბ.48,16 ფს.24,17,, 120,7 მათ.6,13,, 26,41 ლუკ.8,13,, 11,[4],, 22,46,, 1კორ.10,13,, 2კორ.12,7,, 2თეს.3,3,, 2ტიმ.4,18 გმცხ.2,10,, 3,10 

ბიბლიის მუხლები

დაბადება 48

16. ანგელოზმა, ჩემმა მხსნელმა ყოველი ბოროტისგან, აკურთხონ ეს ყმაწვილები, იწოდებოდნენ ჩემი სახელით, ჩემი მამა-პაპის სახელით, აბრაამისა და ისაკისა, დიდად გამრავლდნენ ამ ქვეყანაზე.

ფსალმუნი 24

17. განივრცო ტანჯვა ჩემი გულისა, მიხსენი ჩემი გაჭირვებიდან. 

ფსალმუნი 120

7. უფალი დაგიცავს ყოველგვარი ბოროტისაგან, დაიცავს შენს სულს;

მათე 6

13. და ნუ შეგვიყვან ჩვენ განსაცდელში, არამედ გვიხსენ ბოროტისაგან, რადგან შენია სუფევა და ძალი და დიდება უკუნისამდე. ამინ.

მათე 26

41. იფხიზლეთ და ილოცეთ, რათა არ შეხვიდეთ საცდუნებელში: სული მხნეა, მაგრამ ხორცია უძლური.

ლუკა 8

13. კლდეზე დაცვენილი მარცვლები ისინი არიან, რომლებიც სიტყვის მოსმენისთანავე სიხარულით იღებენ მას, მაგრამ ფესვი არა აქვთ და ამიტომაც დროებით სწამთ, ხოლო განსაცდელის ჟამს განდგებიან;

ლუკა 11

4. და მოგვიტევე ჩვენ ცოდვები ჩვენი, რადგან ჩვენც მივუტევებთ ყველა მოვალეს ჩვენსას. და ნუ შეგვიყვან ჩვენ საცდუნებელში, არამედ გვიხსენ ბოროტისაგან. 

ლუკა 26

46. უთხრა მათ: რად გძინავთ? ადექით და ილოცეთ, რათა არ შეხვიდეთ საცდუნებელში. 

1კორინთელთა 10

13. სხვა განსაცდელი არ შეგხვედრიათ, ადამიანური განსაცდლის გარდა; მაგრამ სარწმუნოა ღმერთი, რომელიც არ შეგამთხვევთ იმას რისი ატანაც თქვენს ძალ-ღონეს აღემატება, არამედ განსაცდელში გამოსავალსაც გაპოვნინებთ, რათა შეიძლოთ ატანა.

2კორინთელთა 12

7. თავს რომ არ გამსვლოდა გამოცხადების უჩვეულობით, ჩემდა საწამებლად მომეცა ნესტარი ხორცში, სატანის ანგელოზი, რათა დაეთრგუნა ჩემი ზვაობა.

2თესალონიკელთა 3

3. მაგრამ სარწმუნოა უფალი, რომელიც განგამტკიცებთ და დაგიცავთ ბოროტისაგან.

2ტიმოთე 4

18. უფალივე დამიხსნის ყოველი ბოროტი საქმისაგან და მაცხონებს თავის ზეციურ სასუფეველში. დიდება მას უკუნითი უკუნისამდე. ამინ.

გამოცხადება 2

10. ნუ გეშინია ნურაფრისა, რისი დათმენაც მოგიწევს. აჰა, ეშმაკი აპირებს ზოგი თქვენგანი გამოსაცდელად ჩააგდოს საპყრობილეში; და გექნებათ ურვა ათი დღე. სიკვდილამდე ერთგული იყავი და მოგცემ შენ სიცოცხლის გვირგვინს.

გამოცხადება 3

10. რაკიღა დაიცავი სიტყვა ჩემი მოთმინებისა, მეც დაგიცავ განსაცდლის ჟამს, რომელიც მოიწევა მთელს ქვეყანაზე მიწის მკვიდრთა გამოსაცდელად.

3.15.2. И не введи нас в искушение, но избавь нас от лукавого

Быт.48,16 Пс.24,17,, 120,7 Матф.6,13,, 26,41 Лук.8,13,, [11,4],, 22,46,, 1Кор.10,13,, 2Кор.12,7,, 2Фес.3,3,, 2Тим.4,18 Отк.2,10,, 3,10

მსგავსი თემები