ღვთის სიბრძნე აკვირვებთ ქვეყნიურთ


საკვანძო მუხლები:

ფსალმუნები 138 : 14 ; მათე 13 : 54 ; მარკოზი 1 : 27 ; მარკოზი 2 : 12 ; მარკოზი 6 : 51 ; მარკოზი 7 : 37 ; ლუკა 2 : 47 ; საქმენი მოციქულთა 2 : 7 ; საქმენი მოციქულთა 3 : 10 ; საქმენი მოციქულთა 14 : 11 ; ზირაქი 47 : 1 ;
1.2.4 ღვთის სიბრძნე აკვირვებთ ქვეყნიურთ

ფს. 138,14; ზირ.47,[17]; მათ. 13,54; მარ. 1,27; 2,12; 6,51; 7,[37]; ლუკ. 2,47 საქ. 2,7.12; 3,10-13; 14,11

ბიბლიის მუხლები

ფსალმუნნი 138
14. გადიდებ, რადგან საოცრებით ვარ შენივთული; საკვირველია საქმენი შენნი და ჩემმა სულმა იცის ეს სავსებით.

ზირაქი 47
17. შენი საგალობლებით და ანდაზებით, იგავებით და განმარტებებით განცვიფრდნენ ქვეყნები. 

მათე 13
54. მივიდა თავის მამულში და ასწავლიდა მათ სინაგოგაში, ისე რომ, უკვირდათ და ამბობდნენ: ვინ მისცა ესოდენი სიბრძნე და ძალა?

მარკოზი 1
27. განცვიფრდა ყველა, ისე რომ, ერთმანეთს ეკითხებოდნენ და ამბობდნენ: რა არის ეს? რა არის ეს ახალი მოძღვრება, რომ ძალმოსილებით უწმინდურ სულებსაც უბრძანებს, და ისინიც ემორჩილებიან მას?

მარკოზი 2
12. ისიც მაშინვე აღდგა, აიღო თავისი სარეცელი და გამოვიდა ყველას წინაშე, ისე რომ, უკვირდა ყველას, ადიდებდნენ ღმერთს და ამბობდნენ: არასოდეს ამგვარი რამ არ გვინახავსო.

მარკოზი 6
51. ნავში ჩაუჯდა მათ და ქარიც ჩადგა, რამაც კიდევ უფრო განაცვიფრა ისინი.

მარკოზი 7
37. დიდად უკვირდათ და ამბობდნენ: ყოველივეს კეთილად იქმს: ყრუს სმენას უბრუნებს და უტყვს ამეტყველებსო

ლუკა 2
47. ყველა მსმენელს უკვირდა მისი გონიერება და სიტყვა-პასუხი.

საქმე მოციქულთა 2
7. უკვირდა ყველას და განცვიფრებულნი ეუბნებოდნენ ერთმანეთს: განა ყველა ესენი, ვინც ლაპარაკობენ, გალალეველნი არ არიან?
12. უკვირდა ყველას და გაოგნებულნი ეუბნებოდნენ ერთმანეთს: რას მოასწავებს ეს?

საქმე მოციქულთა 3
10. იცნეს, ვინც იყო: ტაძრის „მშვენიერ ბჭესთან“ რომ იჯდა მოწყალების სათხოვად; ამიტომაც შიშითა და განცვიფრებით აღივსნენ იმის გამო, რაც მას შეემთხვა.
11. რაკი პეტრეს და იოანეს არ შორდებოდა, მთელი ხალხი განცვიფრებული მისცვივდა მათ „სოლომონის ბჭესთან“.
12. ეს რომ დაინახა, პეტრემ ხალხს უთხრა: კაცნო ისრაელიტნო, რად გიკვირთ ეს? ანდა რატომ გვიყურებთ ასე? განა ჩვენი საკუთარი ძალითა და ღვთისმოსაობით ავადგმევინეთ ფეხი?
13. აბრაამის, ისააკისა და იაკობის ღმერთმა, ჩვენი მამების ღმერთმა განადიდა თავისი მსახური იესო, რომელიც თქვენ გაეცით და უარყავით პილატეს წინაშე, როცა ის აპირებდა გაეთავისუფლებინა იგი.

საქმე მოციქულთა 14
11. როდესაც ხალხმა დაინახა, რა მოიმოქმედა პავლემ, ხმა აიმაღლა და ლიკაონურად თქვა: ღმერთებს კაცის სახე მიუღიათ და ჩვენთან ჩამოსულანო.

__თემაზე წერდნენ__
***
ერთია სახელი, რომელიც შეიძლება ღვთაებრივ არსს აღნიშნავდეს, - კერძოდ კი ეს არის განკვირვება, სიტყვის უთქმელად რომ აღმოცენდება სულში შემოქმედ ღმერთზე ფიქრისას
.__წმ.გრიგოლ ნოსელი__

***
მაოცებს ორი რამ - ვარსკვლავიანი ცა ჩემს ზემოთ და ზნეობრივი კანონი ჩემში.
__ე. კანტი__


***
ერთხელ ერთმა ურწმუნომ თქვა: "არის ერთი რაღაც, რაც აფუჭებს ყველაფერს ჩემს ცხოვრებაში".
"და რა არის ის?" - დაინტერესდა მისი მეგობარი.
მან უპასუხა: "მე მაშინებს ის, რომ ბიბლია მართალია!"
__იაკობ ლევენი__