მართლის ბოროტთაგან მხსნელია უფალი


საკვანძო მუხლები:

დაბადება 19 : 10 ; დაბადება 31 : 7 ; დაბადება 37 : 22 ; დაბადება 45 : 5 ; გამოსვლა 1 : 13 ; გამოსვლა 2 : 11 ; გამოსვლა 3 : 7 ; გამოსვლა 4 : 31 ; გამოსვლა 5 : 23 ; გამოსვლა 6 : 1 ; გამოსვლა 9 : 17 ; გამოსვლა 14 : 13 ; გამოსვლა 17 : 16 ; გამოსვლა 18 : 10 ; გამოსვლა 19 : 4 ; გამოსვლა 23 : 23 ; ლევიანნი 26 : 13 ; ფსალმუნები 9 : 14 ; ფსალმუნები 10 : 5 ; ფსალმუნები 12 : 4 ; ფსალმუნები 13 : 6 ; ფსალმუნები 15 : 1 ; ფსალმუნები 16 : 8 ; ფსალმუნები 43 : 7 ; ფსალმუნები 117 : 11 ; ფსალმუნები 137 : 7 ; ესაია 52 : 10 ; რომაელთა 8 : 31 ;
=3.46.37 მართლის ბოროტთაგან მხსნელია უფალი

დაბ.19,10.11; 31,7; 37,21.22; 45,5.7.11.24 გამ. 1,8-13; 2,11.23-25; 3,7.16; 4,19; 5,6-8.19-23; 6,1.5-7; 9,17; 14,13.19.20; 17,16; 18,10,11; 19,4; 23,23.27.28 ლევ.26,13 ფს.9,14; 10,5; 12,3.4; 13,6; 15,1; 16,8.9; 43,6.7; ; 117,11; 137,7 ეს.52,10 რომ.8,11

ბიბლიის მუხლები

გამოიწოდეს ხელი სტუმარმა კაცებმა, შინ შეიყვანეს ლოტი და ჩაკეტეს კარი. იმ კაცებს კი, სახლის შესასვლელთან რომ იდგნენ, სიბრმავე მოჰგვარეს დიდიან-პატარიანად და მათ ქანცი გაუწყდათ შესასვლელის ძებნაში.
დაბ. 19,10.11

მამათქვენ[ს] არ დაანება ღმერთმა, ებოროტნა ჩემთვის.
დაბ. 31,7

გაიგონა რეუბენმა [ძმების მუქარა] და იხსნა [იოსები] მათი ხელიდან და თქვა, ნუ მოვკლავთ [ჭაში] ჩააგდეთ . . . რომ ეხსნა მათი ხელიდან და მამასთან დაებრუნებინა.
დაბ. 37,21.22

[უთხრა იოსებმა ძმებს] ნუღარ იწუხებთ . . . თქვენი სიცოცხლის სახსრად გამომგზავნა ღმერთმა . . . რათა დაგარჩინოთ ამქვეყნად, სიცოცხლე შეგინარჩუნოთ და მოგიტანოთ დიდი საშველი . . . კიდევ ხუთი წელი გასტანს შიმშილი, რათა არ გაჩანაგდე.
დაბ. 45,5.7.11

გაუშვა [იოსებმა] ძმები და ისინიც წავიდნენ. უთხრა: ნურაფრის შეგეშინდებათ გზაზე.
დაბ. 45,24

და დადგა ახალი მეფე ეგვიპტეზე, რომელიც არ იცნობდა იოსებს. და უთხრა თავის ხალხს: “ისრაელის ძეთა ხალხი ჩვენზე მრავალრიცხოვანი და ძლიერია. მოდით, სიბრძნით მოვიქცეთ მის მიმართ, თორემ უფრო გამრავლდება და ოდესმე, თუ მოხდა ომი, შეუერთდება ჩვენს მტრებს და იომებს ჩვენს წინააღმდეგ და გავა ქვეყნიდან. და დაუდგნენ მას საქმის უფროსნი, რათა დაეჩაგრათ იგი მძიმე შრომით. და მან ააშენა სამარაგო ქალაქები ფარაონისთვის: ფითომი და რაყმესესი. და რაც უფრო ტანჯავდნენ მას, მით უფრო მრავლდებოდა იგი და ვრცელდებოდა, და ეშინოდათ მათ ისრაელის ძეთა. და ამუშავებდნენ ეგვიპტელნი ისრაელის ძეთ უწყალოდ”.
გამ. 1,8-13

და მოხდა ეს იმ დღეებში, როცა გაიზარდა მოსე და გამოვიდა თავის ძმებთან, და იხილა მათი მძიმე შრომა, და დაინახა, რომ ეგვიპტელი სცემდა ებრაელს, მის ძმათაგანს.
გამ.2,11

აკვნესდნენ მძიმე შრომისაგან ისრაელიანები, გაჰკიოდნენ და მისწვდა მათი ღაღადი ღმერთს. მოესმა ღმერთს მათი კვნესა და გაიხსენა ღმერთმა აბრაამთან, ისააკთან და იაკობთან დადებული აღთქმა. მოხედა ღმერთმა ისრაელიანებს და იცნო ღმერთმა ისინი.
გამ. 2,23-25

და უთხრა უფალმა: ხილვით ვიხილე ტანჯვა ჩემი ხალხისა, რომელიც ეგვიპტეშია, და ვისმინე მისი კვნესა აღმსრულებელთაგან, რადგან მე ვიცი მისი სატკივარი. და ირწმუნა ხალხმა და გაიგეს, რომ მოხედა უფალმა ისრაელის ძეთ და რომ დაინახა მათი ტანჯვა და მუხლი მოიყარეს და თაყვანი სცეს.
გამ.3,7; 4,31

მოგხედავთ თქვენ და თქვენს გასაჭირს ეგვიპტეში.
გამ. 3,16

გამოგიყვანთ ეგვიპტის სატანჯველიდან.
გამ. 3,17

უთხრა უფალმა მოსეს მიდიანში: წადი დაბრუნდი ეგვიპტეში, რადგან ყველანი დაიხოცნენ, ვინც მოკვლას გიპირებდა.
გამ. 4,19

და უთხრა ფარაონმა იმავე დღეს ხალხზე დაყენებულ აღმასრულებლებს და ზედამხედველებს ასე: ამიერიდან ნუღარ მისცემთ ხალხს ბზეს, აგურის გასაკეთებლად, როგორც გუშინ და გუშინწინ; წავიდნენ და თავად მოაგროვონ ბზე. რაოდენობა ალიზებისა, რამდენსაც ისინი აკეთებდნენ გუშინ და გუშინწინ, იმდენივე დაუწესეთ და ნუ მოაკლებთ, რადგან ზარმაცები არიან ისინი და ამიტომ ღაღადებენ ასე: წავალთ, შევწირავთ მსხვერპლს ჩვენს ღმერთს.
დაინახეს ისრაელის ძეთა ზედამხედველებმა, რომ უბედურებაში ჩაცვივდნენ, რაკი უთხრეს არ მოაკლოთ ყოველდღიურად თქვენთვის დაწესებული რაოდენობასო. და შეეყარნენ ისინი მოსეს და აარონს, რომლებიც მათ შესახვედრად იდგნენ, მათი ფარაონისაგან გამოსვლისას. და უთხრეს მათ: დაგხედოთ უფალმა და განგსაჯოთ, რადგან საძულველი გახადეთ ჩვენი თავი ფარაონისა და მის მსახურთა თვალში, და მახვილი მიეცით მათ ხელში ჩვენს ამოსაჟლეტად. მიუბრუნდა მოსე უფალს და უთხრა: უფალო! რად უყავი ბოროტი ამ ხალხს? რად მიმავლინე? და მას აქეთ, რაც მე ფარაონთან მივედი, რომ შენი სახელით მელაპარაკა, გაუბოროტდა იგი ამ ხალხს, შენ კი ხსნით არ იხსენი შენი ხალხი.
გამ. 5,6-8.19-23;

უთხრა უფალმა მოსეს: ახლა იხილავ, რასაც ვუზამ ფარაონს, რადგან ჩემი ძლიერი ხელით გამოუშვებს მათ და ძლიერი ხელით გაყრის მათ თავისი ქვეყნიდან.
და აგრეთვე ვისმინე ისრაელის ძეთა კვნესა, რომლებიც ეგვიპტელებს მონობაში ჰყავთ, და გავიხსენე ჩემი აღთქმა. ამიტომ უთხარი ისრაელის ძეთ: მე ვარ უფალი და მე გამოგიყვანთ თქვენ ეგვიპტელთა უღლიდან, და გადაგარჩენთ მათი მსახურებისაგან, და გიხსნით გამოწვდილი მკლავით და დიდი სასჯელებით. აგიყვანთ ჩემს ხალხად და მე ვიქნები თქვენი ღმერთი, და გაიგებთ, რომ მე ვარ უფალი, თქვენი ღმერთი, თქვენი გამომყვანი ეგვიპტის უღლიდან.
6,1.5-7

შენ კვლავ ეწინააღმდეგები ჩვენს ხალხს და არ უშვებ მას.
გამ. 9,17

უთხრა მოსემ ხალხს: ნუ გეშინიათ, მტკიცედ იდექით და დაინახავთ, რომ მალე შეგეწევათ უფალი. დღეს ხედავთ ეგვიპტელებს, მაგრამ ამიერიდან აღარასოდეს იხილავთ.
გამ. 14,13

დაიძრა ისრაელიანთა ბანაკის წინ მავალი ღვთის ანგელოზი და უკან გაჰყვა მათ; დაიძრა ღრუბლის სვეტი და უკან შეუდგა მათ. ჩადგა ეგვიპტელთა და ისრაელის ბანაკებს შორის. იყო ღრუბლად და წყვდიადად ეგვიპტელთათვის, ისრაელს კი ღამეს უნათებდა. მთელი ღამის მანძილზე არ მიახლოვებიან ერთმანეთს.
გამ. 14,19.20

[მოსემ] თქვა: რადგან ხელი უფლის ტახტზეა: ომი აქვს უფალს ყამალეკთან თაობიდან თაობამდე.
გამ. 17,16

ახლა კი გავიგე, რომ დიდია უფალი ყველა ღმერთზე. ეს გამოჩნდა, როცა ისინი კადნიერად ქედმაღლობდნენ მათზე.
კურთხეულია უფალი, რომელმაც გიხსნათ ეგვიპტელთა და ფარაონის ხელიდან.
გამ. 18,10.11

თქვენ ნახეთ, რა დავმართე ეგვიპტეს, როგორ აგიტაცეთ არწივის ფრთებით და ჩემთან მოგიყვანეთ.
გამ. 19,4

როდესაც წაგიძღვება ანგელოზი და მიგიყვანს ამორეველებთან . . . მე მოვსპობ მათ.
გამ. 23,23

წინ წაგიმძღვარებ ჩემს შიშსა და ზარს, შევაძრწუნებ ყოველ ხალხს, ვისთანაც კი მიხვალ. ზურგს შევაქცევინებ შენთვის შენს მტრებს. კრაზანებს გავგზავნი თქვენს წინ და მოგაშორებენ ისინი ხივიელებს . . .
გამ. 23,27.28

მე ვარ უფალი, ღმერთი თქვენი, რომელმაც გამოგიყვანეთ ეგვიპტის ქვეყნიდან, რათა არ ყოფილიყავით იქ მონებად. და დავწყვიტე აპეურები თქვენი უღლისა და წამოგიყვანეთ თქვენ თავაღმართულნი.
ლევ. 26,13

შემიწყალე უფალო, იხილე ჩემი შეჭირვება ჩემი მტრებისაგან, აღმამაღლე სიკვდილის კარიბჭიდან.
ფს. 9,14

უფალი მართალს გადაარჩენს.
ფს. 10,5

როდემდე ვინახო ზრახვანი ჩემს სულში, ნაღველი ჩემს გულში ყოველდღიურად? როდემდე აღზევდება მტერი ჩემზე? მომხედე, მიპასუხე უფალო, ღმერთო ჩემო!
ფს. 12.3.4

თქვენ დასცინეთ რჩევას საწყლისას, რაკი ღმერთია მისი მფარველი.
ფს.13,6

დამიფარე უფალო, რადგან შენზე ვარ მონდობილი.
ფს. 15,1

შემინახე თვალისჩინივით, შენი ფრთების ჩრდილქვეშ შემიფარე.
ფს. 16,8.9

რადგან არ ვარ დანდობილი ჩემს მშვილდზე და ვერც ჩემი მახვილი მიხსნის.
არამედ შენ გვიხსნი ჩვენი მტრებისგან და ჩვენს მოძულეებს შენ არცხვენ.
ფს.43,6.7

გარს შემომერტყნენ, გარემომიცვეს - უფლის სახელით ამოვწყვეტ მათ.
ფს.117,11

შუაგულ ჭირშიც რომ გავდიოდე, შენ შემინარჩუნებ სიცოცხლეს; ხელს გამოიწვდი ჩემი მტრების რისხვის წინააღმდეგ და მიხსნის მარჯვენა შენი.
ფს.137,7

გაიშიშვლა უფალმა წმიდა მკლავი ყველა ერის თვალწინ, რათა დედამიწის ყველა კიდემ იხილოს ჩვენი ხსნა ღვთისმიერი.
ეს.52,10

ამაზე რაღა ვთქვათ? თუ ღმერთი ჩვენკენ არის, ვინ გამოვა ჩვენს წინააღმდეგ?
რომ.8,31

--------------------
სურათზე: ანგელოზებმა ლოტი შიგნით შეიყვანეს, ხოლო იმ კაცებს სიბრმავე მოჰგვარეს


3.46.37 Бог спасает праведного от нечестивых
Быт.19,10.11; 31,7; 37,21.22; 45,5.7.11.24 Исх. 1,8-13; 2,11.23-25; 3,7.16; 4,19; 5,6-8.19-23; 6,1.5-7; 9,17; 14,13.19.20; 17,16; 18,10,11; 19,4; 23,23.27.28 Лев.26,13 Пс.9,14; 10,5; 12,3.4; 13,6; 15,1; 16,8.9; 43,6.7; ; 117,11; 137,7 Ис.52,10 Рим.8,11