ინტუიციის შესახებ


საკვანძო მუხლები:

1.6.19. ინტუიციის შესახებ

ინტუიცია ადამიანის სულის შემადგენელ ნაწილს წარმოადგენს.
როგორ მუშაობს ინტუიცია?
როგორც წესი, ჩვენ არ ვაქცევთ ყურადღებას ნიშნებს, რომლებსაც გვიგზავნის ქვეცნობიერება და შემდეგ ვნანობთ ამას. ხანდახან ვერ ვამჩნევთ, რომ პრობლემის, ან ამოცანის გადაწყვეტა მოდის მომენტალურად. ზოგი ვერც წარმოიდგენს, რომ თითოეული ასეთი ნიშანი ჩვენი გონების სერიოზული ანალიტიკური აზროვნების შედეგია.

__თემაზე წერდნენ__
***
მე ინტუიციისა და შთაგონების მწამს. ზოგჯერ ვგრძნობ, რომ მართალი ვარ, თუმცა ეს არ ვიცი.
__აინშტაინი__

***
რაციონალური გონება ერთგული მსახურია, ხოლო ინტუიციური აზროვნება – ღმერთისგან ბოძებული ნიჭი. ჩვენ შევქმენით საზოგადოება, სადაც მსახურნი უფრო ფასობენ, ვიდრე საჩუქარი.
__აინშტაინი__

***
ქალები გაუცნობიერებლად ამჩნევენ ათას წვრილმან დეტალს, ასევე გაუცნობიერებლად აპირისპირებენ მათ და ამას ინტუიციას არქმევენ.
__აგატა კრისტი__

***
ინტუიცია ერთგვარი "შინაგანი გრძნობაა", როგორც მას უწოდებს შელინგი; ეს იგივე "სინოპტიკური აღქმაა", რომლითაც პლატონის მიხედვით, სული სწვდება და იმეცნებს საგანთა სიმრავლის მიღმა მდგარ იდეას.
__ბაჩანა ბრეგვაძე__

***
პიროვნულ ურთიერთობათა დონეზე თუ შევხედავთ, ინტუიცია არასდროს გვღალატობს. დავფიქრდეთ, რამდენჯერ ყოფილა, რომ გავიცნობთ ადამიანს, თითქოს ყველაფერი რიგზეა, გარეგნობა, საუბარი, “მიხრა-მოხრა”, თუმცა ვგრძნობთ, “რაღაც ზედმეტად კარგია, რომ იყოს ნამდვილი”. მერე აღმოჩნდება, რომ მართლაც “სიზედმეტეა” სწორედ ის შენიღბული სიყალბე, რაც გულმა ამოიცნო და შინაგანმა ხმამ უტყუარი სიგნალი მოგვცა. მთავარია, ყურადღებით ვიყოთ და ეს ნიშანი არ გამოგვეპაროს ან ყურადღების მიღმა არ დაგვრჩეს. როგორც დაკვირვებამ აჩვენა, ინტუიცია გვეხმარება იმის გარკვევაში, თუ ვის უნდა ვენდოთ და ვის გავერიდოთ.
__მაკო ჯაოშვილი__